യാത്ര എഴുതി മായ്ച്ച ചിത്രം..

ഞാൻ നടന്ന വഴികളിൽ
എന്റെ കാലടികളെ തൊട്ടു നോക്കാതെ,
കടന്നു പോയൊരാ കാലൊച്ചകൾ.

ഞാൻ കയറിയ ബസ്സിനുള്ളിൽ
നിറഞ്ഞ തിരക്കുകളിൽ
അലസമായ് പായിച്ച
നോട്ടങ്ങളിൽ തെളിഞ്ഞു മാഞ്ഞ അക കാഴ്ചകൾ.
ഞാൻ കയറിയ തീവണ്ടിയിൽ ഓടിക്കിതച്ചു പാഞ്ഞെത്തി മുഖാമുഖമിരുന്നുറങ്ങിയ
കൺ പോളകൾ.....
ഞാൻ യാത്ര ചെയ്യാത്തൊരു ദിനം
ഈ മൂന്നു ചിത്രങ്ങളും മായ്ച്ച്
അവനൊരു യാത്ര പോയത്രേ...
ശബ്ദമായ് വന്നു മാഞ്ഞു പോകാൻ മടിക്കുന്നു
 ചുവന്നു പടർന്ന ഈ നോവു വർണം..