സ്വസ്തി.

കതിരവനുദയം കൊണ്ട പ്രഭാതം
മംഗളഗാനം പാടുന്നു പ്രകൃതി
കർമ്മഭൂമിയിൽ ഉണരുന്നു മാനവർ
യുഗയുഗങ്ങളായ് തുടരും പ്രയാണം

പൊരുളുകൾ തൻ ചുരുളഴിയിപ്പാൻ
ഇവിടെ ഉയരിടുമോരോ നാമ്പിലും
തെളിയട്ടെ ഉണ്മ തൻ നറുദീപ നാളം
വിടരട്ടെ നന്മ തൻ സൗഗന്ധ സൂനം

അചലം വിമലം ഏകമാം സത്യം
തുടിക്കട്ടെ ഓരോ അണുവിലും          നിത്യം
പൂവിലും പുല്ലിലും പുഴുവിലും പുലരും
സർവ്വ ജീവന്നും നേരുന്നു സ്വസ്തി.