അനിഷ്ടം

അനിഷ്ടം

എന്റെ കയ്യു നിന്റെ കയ്യോടുരുമ്മവേ
നീ പിൻവാങ്ങിയതനിഷ്ടം.
എന്റെ കണ്ണു നിന്റെ കണ്ണോടിടയവേ
നീ ദൂരങ്ങളിൽ മിഴി നട്ടതനിഷ്ടം.

തുലാമഴയിൽ  കൂട്ട് പോകവേ
നിനയാതേറ്റ മിന്നലിടിയി-
ലുള്ളു പിളർന്നിട്ടുമൊരു
താങ്ങാകുവാൻ
വെമ്പിയോരെൻ മെയ്യിലഭയം കാണാതെ,
ചിരിച്ചൊളിച്ചതും
നിന്നനിഷ്ടം.


ഇട നെഞ്ഞിലുണർന്ന  തുംബപ്പൂവിന്റെ
ചന്തം കാണാതെ;
മാറി പ്പറന്ന  പൂത്തുമ്പീ ...
വിരിഞ്ഞതെന്തിന്ന്?
തുടുത്തതെന്തിന്ന് ?


വിശ്വാസത്തെയ്യങ്ങളവിശ്വാസി ഞാനണിഞ്ഞു,
കനലാടി; കാലു പൊള്ളി യെന്റെ
 കുലദൈവങ്ങളേ .....

കുടിലമായിരുന്നെങ്കിലെന്റെ സ്നേഹ-
മീറനണി യാതെ,
കരിഞ്ഞു വീഴാതെ ,
അടിവേരു ചീയാതെ ,
നുള്ളിമാറ്റാതെ ,
പ്രളയ ചേറില ടിയാതെ,
 കതിരാടി നിന്നേനേ .......